ليش الليبراليه صارت مسبه؟
بسم الله نبدأ أول بوست...............مادري من وين أبلش بس ليش كل ما قال الواحد انه ليبرالي كشوا الناس منه... كأنه كفر؟؟
ليش كل مادشينا بنقاش و قلنا راينا قالوا ئي عادي ليبرالي؟؟
ليش كل انتقدنا التخلف الحكومي و التكنلوجي و البيروقراطية و كبت الحريات قالوا انت تبي نصير مثل الغرب..كان زين نصير ربعهم
ليش كلما انتقدنا ((بعض)) تصرفات المجتمع المتخلفة قالوا انتوا فاصخين؟؟
ليش كل انتقدنا المتأسلمين قالوا انتوا ضد الإسلام اللي اهو اصلا بري منهم؟؟
ليش لما نأيد دخول المرأة المعترك السياسي يقولون لنا انتوا تبون تفسدون المجتمع و اشعليكم من المرأة خلكم بحالكم..و بالأخير قاموا ينابحون عشان يحصلون صوت المرأة؟؟
ليش لما نعترض على (الكلام البطالي) الضوابط الشرعية للدخول المرأة مجلس الأمة يقولون لي انتي علماني..وبعد طول نقاش طلع صاحبنا يحسب علماني يعني ملحد؟؟
ليش ما يفهمون شنو إهيه الليبرالية (اللي لها مليون تعريف) قبل لا ياخذون عنا هذي الفكرة؟؟
ليش الواحد لما يحضر كل تجمع حق الدوائر و حملة الإصلاح الرياضي (بس) و يقول حق ربعه تعالوا الكويت محتاجتلكم يقولون له انت ثوري؟؟
ليش..ليش..ليش تساؤلات وايد الواحد يتعب منها و يتعب لما يعرف سببها
.......................
آسف كلامي يمكن شويه مخربط لأن بعضه مقصود فيه الجماعات و النواب المتأسلمين و بعضه مقصود فيه الشعب اللي
ما يدري وين الله قاطه..بس هالكلام كان مثل الشعر بقلبي من زمان و لما قلته قلته مره وحدة عفوي بدون ترتيب
